May 17, 2011

Tak do apo.. sajo yo..

Hello semuo!

Hehe.. cmni a ha.. selalu eh den tulih entry dlm bahaso melayu xpon rojak, xpon english.. tapi entry kali ni, den ghaso den nak nulih dalam bahaso noghori lah. buleh x gek'eh? kok xpaham tu, buek2 la paham yo. kok x yo paham2 jugak, pokok dek kau lah ai.. payah bona pulak. haha

Apo ko gilo pulak den nak nulih dlm loghat n9 ni kan? haa.. itulah deh, den ni namo yo org n9, duk pilah laie. uiii..jgn memain org pilah ni, loghat dio mmg terbaik dr ladang! haha. den ni ikut an mmg org n9 sejati lah, mano tak eh, omak ngn arwah ayah den mmg org n9, kek umah pon ckp n9.. bukan kek umah yo, kek melben dulu pon, kok den jumpo org n9 pon den bantai ckp skali. mampuih lah kok org nk koba den jakun ko apo kan, asalkan den pueh ati. haha.

Walaupon den ni anak jati n9, tp sebona-bona eh, den xduduk bona pon kek n9 tu.. iyolah, den tinggal kek pilah tu sampai darjah onam yo.. lopeh tu, den sekolah kek johor.. 5 tahun den duk JB bai.. igt an lopeh form 5 tu, buleh la apply matrix pilah ko apo ko kan, yolah, homesick bai duk jejauh ni.. maun pulak time tu balik umah naek bas, 3-4jam jugak la dlm bas. kematu jugak la b*ntut den.  tapi apo kan dayo.. lopeh yo spm, den dapek offer UTP pulak.. xsompek den nak tido bawah ketiak omak den, dah berpisah balik. poie pulak duk kek perak nunnnn..aduiyai.. maso tu bulan duoboleh xsilap den.. tapi den masuk UTP kojap yo.. ngelat. haha, dapek yo offer telekom, maso tu offer poie Jerman, den toruih keluar UTP. sebulan yo la den kek situ.

Lopeh keluar UTP yo, den duk kek area UM.. apo tah namo eh, Bangsar ko apo. Ko tanyo la husband den ni a, mesti dio tau, sobab time tu first time jumpo. aww~! malu den. hikhik. Maso tu den kono ikut kursus intensif bahaso inggeris 3bulan kek subang.. lopeh abih kursus tu, baru den masuk taylors kek subang tu, buek Cambridge A-level plak.. tapi maso den buek a-level tu, den dah pindah kek sunway.. haa, umah den tu dulu.. botul2 dopan sunway pyramid tu, nak poie pyramid tu, jalan kaki yo da sampai bai~ paling xbulih lupo, ado kodai makan 'longkang'. haha. kitorang yo memandai bagi namo 'longkang' tu, sobab topi kodai tu ado longkang bosar. tp kuey teow kungfu eh mmg terbaik wa cakap lu~! tapi xtau la ado laie ko tak kodai tu. ghindu lak tetibo kan. aiseh.

Ha.. eh, seblum den buek a-level tu, tetibo telekom koba den kono tukar ke australia. potong stim botul lah.. sobab ado masalah ngn apo tah. tp xpo lah, australia pon, australia laa.. asalkan den dapek naek kapal togobang..haha.. lopeh yo den buek a-level tu, den dapek masuk melbourne unibersiti kek ostralia. toghuih la den fly ko australia pulak.. ompek tahun den kek ostralia bai.. tapi n9 jugak totap kek ati den ni haa.. abih yo blaja, tahun lopeh la, igt an buleh la den tido bawah ketiak omak den balik, tp dek den ni gatal bona, nikah la den.. haha. lopeh nikah tu, den ikut husband den duk jopun pulak. ha, nampak tak.. bilo yo maso den duk n9? maso kocik2 yo kan kan??

haa.. itu sobab la den nulih entry ni dalam loghat n9.. bukan apo.. ghindu pulak ghaso eh kek bahaso sendiri.. walaupon den ni duduk meghantau yo, tapi mmg botul cakap oghang tuo2, tompek jatuh laie kan di konang, inikan pulak tompek bemain.. laie satu (ewah, nak banyak2 pulak deh, hikhik), hujan omeh kek nogoghi oghang, ujan batu kek nogoghi sondiri, laie elok kek nogoghi sondiri.

Itu yo lah den nak nulih. cm den koba an tadi, kok xpaham, buek2 la paham, kok x yo paham2, pokok den kau la yo. haha.

Till then. jyaa~ (apo gilo eh tetibe bahaso jopun lak nih? tibai yo lah~)

1 comment:

Myzatul FarahinSatimin said...

wakkakakakaaaa best2 bace loghat n9 nie... kelakar